៩. ពិម្ពិជាលិយត្ថេរអបទានំ

៣០. ‘‘បទុមុត្តរោ នាម ជិនោ, សយម្ភូ អគ្គបុគ្គលោ;

ចតុសច្ចំ បកាសេតិ, ទីបេតិ អមតំ បទំ.

៣១. ‘‘ពិម្ពិជាលកបុប្ផានិ [ពិម្ពជាលកបុប្ផានិ (ក.)], បុថុ កត្វានហំ តទា;

ពុទ្ធស្ស អភិរោបេសិំ, ទ្វិបទិន្ទស្ស តាទិនោ.

៣២. ‘‘អដ្ឋសដ្ឋិម្ហិតោ កប្បេ, ចតុរោ កិញ្ជកេសរា;

សត្តរតនសម្បន្នា, ចក្កវត្តី មហព្ពលា.

៣៣. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ពិម្ពិជាលិយោ ថេរោ ឥមា គាថាយោ អភាសិត្ថាតិ.

ពិម្ពិជាលិយត្ថេរស្សាបទានំ នវមំ.