១០. ឧទ្ទាលកទាយកត្ថេរអបទានំ

៣៤. ‘‘កកុធោ នាម នាមេន, សយម្ភូ អបរាជិតោ;

បវនា និក្ខមិត្វាន, អនុប្បត្តោ មហានទិំ.

៣៥. ‘‘ឧទ្ទាលកំ គហេត្វាន, សយម្ភុស្ស អទាសហំ;

សំយតស្សុជុភូតស្ស, បសន្នមានសោ អហំ.

៣៦. ‘‘ឯកត្តិំសេ ឥតោ កប្បេ, យំ បុប្ផមភិបូជយិំ;

ទុគ្គតិំ នាភិជានាមិ, បុប្ផទានស្សិទំ ផលំ.

៣៧. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ឧទ្ទាលកទាយកោ ថេរោ ឥមា គាថាយោ អភាសិត្ថាតិ.

ឧទ្ទាលកទាយកត្ថេរស្សាបទានំ ទសមំ.

តុវរទាយកវគ្គោ បញ្ចវីសតិមោ.