២. នាគកេសរិយត្ថេរអបទានំ

៤. ‘‘ធនុំ អទ្វេជ្ឈំ កត្វាន, វនមជ្ឈោគហិំ អហំ;

កេសរំ ឱគតំ [ឱសរំ (ស្យា.), ឱសដំ (សី.)] ទិស្វា, បតបត្តំ សមុដ្ឋិតំ.

៥. ‘‘ឧភោ ហត្ថេហិ បគ្គយ្ហ, សិរេ កត្វាន អញ្ជលិំ;

ពុទ្ធស្ស អភិរោបេសិំ, តិស្សស្ស លោកពន្ធុនោ.

៦. ‘‘ទ្វេនវុតេ ឥតោ កប្បេ, យំ បុប្ផមភិបូជយិំ;

ទុគ្គតិំ នាភិជានាមិ, ពុទ្ធបូជាយិទំ ផលំ.

៧. ‘‘តេសត្តតិម្ហិ កប្បម្ហិ [សត្តសត្តតិមេ កប្បេ (ស្យា.)], សត្ត កេសរនាមកា;

សត្តរតនសម្បន្នា, ចក្កវត្តី មហព្ពលា.

៨. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា នាគកេសរិយោ ថេរោ ឥមា គាថាយោ អភាសិត្ថាតិ.

នាគកេសរិយត្ថេរស្សាបទានំ ទុតិយំ.