៥. វេទិការកត្ថេរអបទានំ

១៩. ‘‘វិបស្សិនោ ភគវតោ, ពោធិយា បាទបុត្តមេ;

បសន្នចិត្តោ សុមនោ, ការេសិំ វេទិកំ អហំ.

២០. ‘‘ឯកនវុតិតោ កប្បេ, ការេសិំ វេទិកំ អហំ;

ទុគ្គតិំ នាភិជានាមិ, វេទិកាយ ឥទំ ផលំ.

២១. ‘‘ឥតោ ឯកាទសេ កប្បេ, អហោសិំ សូរិយស្សមោ;

សត្តរត្តនសម្បន្នោ, ចក្កវត្តី មហព្ពលោ.

២២. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា វេទិការកោ ថេរោ ឥមា គាថាយោ អភាសិត្ថាតិ.

វេទិការកត្ថេរស្សាបទានំ បញ្ចមំ.