៦. វណ្ណការត្ថេរអបទានំ

២៣. ‘‘នគរេ អរុណវតិយា, វណ្ណការោ អហំ តទា;

ចេតិយេ ទុស្សភណ្ឌានិ, នានាវណ្ណំ រជេសហំ [រជិំ អហំ (ក.), រជេមហំ (ស្យា.)].

២៤. ‘‘ឯកត្តិំសេ ឥតោ កប្បេ, យំ វណ្ណំ រជយិំ តទា;

ទុគ្គតិំ នាភិជានាមិ, វណ្ណទានស្សិទំ ផលំ.

២៥. ‘‘ឥតោ តេវីសតិកប្បេ, វណ្ណសម [ចន្ទុបម (សី.), ចន្ទសម (ស្យា.)] សនាមកោ;

សត្តរតនសម្បន្នោ, ចក្កវត្តី មហព្ពលោ.

២៦. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា វណ្ណការោ ថេរោ ឥមា គាថាយោ អភាសិត្ថាតិ.

វណ្ណការត្ថេរស្សាបទានំ ឆដ្ឋំ.