៦. សន្ធិតត្ថេរអបទានំ

២៧. ‘‘អស្សត្ថេ ហរិតោភាសេ, សំវិរូឡ្ហម្ហិ បាទបេ;

ឯកំ ពុទ្ធគតំ សញ្ញំ, អលភិំហំ [អលភិស្សំ (សី.)] បតិស្សតោ.

២៨. ‘‘ឯកត្តិំសេ ឥតោ កប្បេ, យំ សញ្ញមលភិំ តទា;

តស្សា សញ្ញាយ វាហសា, បត្តោ មេ អាសវក្ខយោ.

២៩. ‘‘ឥតោ តេរសកប្បម្ហិ, ធនិដ្ឋោ នាម ខត្តិយោ;

សត្តរតនសម្បន្នោ, ចក្កវត្តី មហព្ពលោ.

៣០. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា សន្ធិតោ [សណ្ឋិតោ (សី.)] ថេរោ ឥមា គាថាយោ អភាសិត្ថាតិ.

សន្ធិតត្ថេរស្សាបទានំ ឆដ្ឋំ.