៩. អាធារទាយកត្ថេរអបទានំ

៤០. ‘‘អាធារកំ មយា ទិន្នំ, សិខិនោ លោកពន្ធុនោ;

ធារេមិ បថវិំ សព្ពំ, កេវលំ វសុធំ ឥមំ.

៤១. ‘‘កិលេសា ឈាបិតា មយ្ហំ, ភវា សព្ពេ សមូហតា;

ធារេមិ អន្តិមំ ទេហំ, សម្មាសម្ពុទ្ធសាសនេ.

៤២. ‘‘សត្តវីសេ ឥតោ កប្បេ, អហេសុំ ចតុរោ ជនា;

សមន្តវរណា នាម, ចក្កវត្តី មហព្ពលា.

៤៣. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា អាធារទាយកោ [បរិយាទានិយោ (ក.)] ថេរោ ឥមា គាថាយោ អភាសិត្ថាតិ.

អាធារទាយកត្ថេរស្សាបទានំ នវមំ.