៧. ឯកទីបិយត្ថេរអបទានំ

៣០. ‘‘បទុមុត្តរស្ស មុនិនោ, សឡលេ ពោធិមុត្តមេ;

បសន្នចិត្តោ សុមនោ, ឯកទីបំ អទាសហំ.

៣១. ‘‘ភវេ និព្ពត្តមានម្ហិ, និព្ពត្តេ បុញ្ញសញ្ចយេ;

ទុគ្គតិំ នាភិជានាមិ, ទីបទានស្សិទំ ផលំ.

៣២. ‘‘សោឡសេ កប្បសហស្សេ, ឥតោ តេ ចតុរោ ជនា;

ចន្ទាភា នាម នាមេន, ចក្កវត្តី មហព្ពលា.

៣៣. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ឯកទីបិយោ ថេរោ ឥមា គាថាយោ អភាសិត្ថាតិ.

ឯកទីបិយត្ថេរស្សាបទានំ សត្តមំ.

នវមំ ភាណវារំ.