៦. មគ្គទត្តិកត្ថេរអបទានំ

២៦. ‘‘អនោមទស្សី ភគវា, ទ្វិបទិន្ទោ នរាសភោ;

ទិដ្ឋធម្មសុខត្ថាយ, អព្ភោកាសម្ហិ ចង្កមិ.

២៧. ‘‘ឧទ្ធតេ បាទេ បុប្ផានិ, សោភំ មុទ្ធនិ តិដ្ឋរេ;

បសន្នចិត្តោ សុមនោ, វន្ទិត្វា បុប្ផមោកិរិំ.

២៨. ‘‘វីសកប្បសហស្សម្ហិ, ឥតោ បញ្ច ជនា អហុំ;

បុប្ផច្ឆទនិយា នាម, ចក្កវត្តី មហព្ពលា.

២៩. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា មគ្គទត្តិកោ ថេរោ ឥមា គាថាយោ អភាសិត្ថាតិ.

មគ្គទត្តិកត្ថេរស្សាបទានំ ឆដ្ឋំ.