២. និស្សេណិទាយកត្ថេរអបទានំ

៩. ‘‘កោណ្ឌញ្ញស្ស ភគវតោ, លោកជេដ្ឋស្ស តាទិនោ;

អារោហត្ថាយ បាសាទំ, និស្សេណី ការិតា មយា.

១០. ‘‘តេន ចិត្តប្បសាទេន, អនុភោត្វាន សម្បទា;

ធារេមិ អន្តិមំ ទេហំ, សម្មាសម្ពុទ្ធសាសនេ.

១១. ‘‘ឯកត្តិំសម្ហិ កប្បានំ, សហស្សម្ហិ តយោ អហុំ [មហា (សី. ស្យា.)];

សម្ពហុលា នាម រាជានោ, ចក្កវត្តី មហព្ពលា.

១២. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា និស្សេណិទាយកោ ថេរោ ឥមា គាថាយោ អភាសិត្ថាតិ.

និស្សេណិទាយកត្ថេរស្សាបទានំ ទុតិយំ.