៨. ទុស្សទាយកត្ថេរអបទានំ

៣៨. ‘‘តិវរាយំ បុរេ រម្មេ, រាជបុត្តោសហំ [រាជបុត្តោ អហំ (សី. ស្យា.)] តទា;

បណ្ណាការំ លភិត្វាន, ឧបសន្តស្សទាសហំ.

៣៩. ‘‘អធិវាសេសិ ភគវា, វត្ថំ [នវំ (ក.)] ហត្ថេន អាមសិ;

សិទ្ធត្ថោ អធិវាសេត្វា, វេហាសំ នភមុគ្គមិ.

៤០. ‘‘ពុទ្ធស្ស គច្ឆមានស្ស, ទុស្សា ធាវន្តិ បច្ឆតោ;

តត្ថ ចិត្តំ បសាទេសិំ, ពុទ្ធោ នោ អគ្គបុគ្គលោ.

៤១. ‘‘ចតុន្នវុតិតោ កប្បេ, យំ ទុស្សមទទិំ តទា;

ទុគ្គតិំ នាភិជានាមិ, ទុស្សទានស្សិទំ ផលំ.

៤២. ‘‘សត្តសដ្ឋិម្ហិតោ កប្បេ, ចក្កវត្តី តទា អហុ;

បរិសុទ្ធោតិ នាមេន, មនុជិន្ទោ មហព្ពលោ.

៤៣. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ទុស្សទាយកោ ថេរោ ឥមា គាថាយោ អភាសិត្ថាតិ.

ទុស្សទាយកត្ថេរស្សាបទានំ អដ្ឋមំ.