៥. មន្ទារវបុប្ផបូជកត្ថេរអបទានំ

២៥. ‘‘ទេវបុត្តោ អហំ សន្តោ, បូជយិំ សិខិនាយកំ;

មន្ទារវេន បុប្ផេន, ពុទ្ធស្ស អភិរោបយិំ.

២៦. ‘‘សត្តាហំ ឆទនំ អាសិ, ទិព្ពំ មាលំ តថាគតេ;

សព្ពេ ជនា សមាគន្ត្វា, នមស្សិំសុ តថាគតំ.

២៧. ‘‘ឯកត្តិំសេ ឥតោ កប្បេ, យំ បុប្ផមភិបូជយិំ;

ទុគ្គតិំ នាភិជានាមិ, ពុទ្ធបូជាយិទំ ផលំ.

២៨. ‘‘ឥតោ ច ទសមេ កប្បេ, រាជាហោសិំ ជុតិន្ធរោ;

សត្តរតនសម្បន្នោ, ចក្កវត្តី មហព្ពលោ.

២៩. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា មន្ទារវបុប្ផបូជកោ ថេរោ ឥមា គាថាយោ អភាសិត្ថាតិ.

មន្ទារវបុប្ផបូជកត្ថេរស្សាបទានំ បញ្ចមំ.