៧. មគ្គទាយកត្ថេរអបទានំ

៣២. ‘‘ឧត្តរិត្វាន នទិកំ, វនំ គច្ឆតិ ចក្ខុមា;

តមទ្ទសាសិំ សម្ពុទ្ធំ, សិទ្ធត្ថំ វរលក្ខណំ.

៣៣. ‘‘កុទាល [កុទ្ទាល (សី. ស្យា.)] បិដកមាទាយ, សមំ កត្វាន តំ បថំ;

សត្ថារំ អភិវាទេត្វា, សកំ ចិត្តំ បសាទយិំ.

៣៤. ‘‘ចតុន្នវុតិតោ កប្បេ, យំ កម្មមករិំ តទា;

ទុគ្គតិំ នាភិជានាមិ, មគ្គទានស្សិទំ ផលំ.

៣៥. ‘‘សត្តបញ្ញាសកប្បម្ហិ, ឯកោ អាសិំ ជនាធិបោ;

នាមេន សុប្បពុទ្ធោតិ, នាយកោ សោ នរិស្សរោ.

៣៦. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា មគ្គទាយកោ ថេរោ ឥមា គាថាយោ អភាសិត្ថាតិ.

មគ្គទាយកត្ថេរស្សាបទានំ សត្តមំ.