១០. រេណុបូជកត្ថេរអបទានំ

៦២. ‘‘សុវណ្ណវណ្ណំ សម្ពុទ្ធំ, សតរំសិំវ ភាណុមំ;

ឱភាសេន្តំ ទិសា សព្ពា, ឧឡុរាជំវ បូរិតំ.

៦៣. ‘‘បុរក្ខតំ សាវកេហិ, សាគរេហេវ មេទនិំ;

នាគំ បគ្គយ្ហ រេណូហិ, វិបស្សិស្សាភិរោបយិំ.

៦៤. ‘‘ឯកនវុតិតោ កប្បេ, យំ រេណុមភិរោបយិំ;

ទុគ្គតិំ នាភិជានាមិ, ពុទ្ធបូជាយិទំ ផលំ.

៦៥. ‘‘បណ្ណតាលីសិតោ កប្បេ, រេណុ នាមាសិ ខត្តិយោ;

សត្តរតនសម្បន្នោ, ចក្កវត្តី មហព្ពលោ.

៦៦. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា រេណុបូជកោ ថេរោ ឥមា គាថាយោ អភាសិត្ថាតិ.

រេណុបូជកត្ថេរស្សាបទានំ ទសមំ.

ភិក្ខទាយិវគ្គោ ឯកាទសមោ.