១២. ទ្វាទសមសិក្ខាបទវណ្ណនា

១២១៩-២៣. ទ្វាទសមេ – អនោកាសកតន្តិ អសុកស្មិំ នាម ឋានេ បុច្ឆាមីតិ ឯវំ អកតឱកាសំ. តេនេវាហ – ‘‘អនោកាសកតន្តិ អនាបុច្ឆា’’តិ. អនោទិស្សាតិ អសុកស្មិំ នាម ឋានេ បុច្ឆាមីតិ ឯវំ អនិយមេត្វា កេវលំ ‘‘បុច្ឆិតព្ពំ អត្ថិ, បុច្ឆាមិ អយ្យា’’តិ ឯវំ វត្វា. សេសំ ឧត្តានមេវ. បទសោធម្មសមុដ្ឋានំ – វាចតោ វាចាចិត្តតោ ច សមុដ្ឋាតិ, កិរិយាកិរិយំ, នោសញ្ញាវិមោក្ខំ, អចិត្តកំ, បណ្ណត្តិវជ្ជំ, វចីកម្មំ, តិចិត្តំ, តិវេទនន្តិ.

ទ្វាទសមសិក្ខាបទំ.