៣. តតិយសិក្ខាបទវណ្ណនា

១០៧៧. តតិយេ – សិក្ខាសម្មុតិំ ទាតុន្តិ កស្មា ទាបេសិ? ‘‘មាតុគាមោ នាម លោលោ ហោតិ ទ្វេ វស្សានិ ឆសុ ធម្មេសុ អសិក្ខិត្វា សីលានិ បូរយមានោ កិលមតិ, សិក្ខិត្វា បន បច្ឆា ន កិលមិស្សតិ, និត្ថរិស្សតី’’តិ ទាបេសិ.

១០៧៩. បាណាតិបាតា វេរមណិំ ទ្វេ វស្សានិ អវីតិក្កម្ម សមាទានំ សមាទិយាមីតិ យំ តំ បាណាតិបាតា វេរមណីតិ បញ្ញត្តំ សិក្ខាបទំ, តំ បាណាតិបាតា វេរមណិសិក្ខាបទំ ទ្វេ វស្សានិ អវីតិក្កមិតព្ពសមាទានំ កត្វា សមាទិយាមីតិ អត្ថោ. ឯស នយោ សព្ពត្ថ. ឥមា ឆ សិក្ខាយោ សដ្ឋិវស្សាយបិ បព្ពជិតាយ ទាតព្ពាយេវ, ន ឯតាសុ អសិក្ខិតា ឧបសម្បាទេតព្ពា.

តតិយសិក្ខាបទំ.