៧. សត្តមសិក្ខាបទវណ្ណនា

១០០៧. សត្តមេ – បុន បរិយាយេនាតិ បុនវារេ. អាបទាសូតិ មហគ្ឃចីវរំ សរីរតោ មោចេត្វា សុបដិសាមិតម្បិ ចោរា ហរន្តិ, ឯវរូបាសុ អាបទាសុ អនិស្សជ្ជិត្វា និវាសេន្តិយា អនាបត្តិ. សេសំ ឧត្តានមេវាតិ.

កថិនសមុដ្ឋានំ – កាយវាចតោ កាយវាចាចិត្តតោ ច សមុដ្ឋាតិ, កិរិយាកិរិយំ, នោសញ្ញាវិមោក្ខំ, អចិត្តកំ, បណ្ណត្តិវជ្ជំ កាយកម្មំ, វចីកម្មំ, តិចិត្តំ, តិវេទនន្តិ.

សត្តមសិក្ខាបទំ.