៣. តតិយសិក្ខាបទវណ្ណនា

៩៨៨. តតិយេ – ឧជ្ជវុជ្ជវេតិ យត្តកំ ហត្ថេន អញ្ឆិតំ ហោតិ, តស្មិំ តក្កម្ហិ វេឋិតេ ឯកា អាបត្តិ. កន្តនតោ បន បុព្ពេ កប្បាសវិចិននំ អាទិំ កត្វា សព្ពបយោគេសុ ហត្ថវារគណនាយ ទុក្កដំ.

៩៨៩. កន្តិតសុត្តន្តិ ទសិកសុត្តាទិំ សង្ឃាដេត្វា កន្តតិ, ទុក្កន្តិតំ វា បដិកន្តតិ. សេសំ ឧត្តានមេវ. ឯឡកលោមសមុដ្ឋានំ – កិរិយំ, នោសញ្ញាវិមោក្ខំ, អចិត្តកំ, បណ្ណត្តិវជ្ជំ, កាយកម្មំ, តិចិត្តំ, តិវេទនន្តិ.

តតិយសិក្ខាបទំ.