៩. នវមសង្ឃាទិសេសសិក្ខាបទវណ្ណនា

៧២៣. នវមេ – សំសដ្ឋាតិ មិស្សីភូតា. អននុលោមិកេនាតិ បព្ពជិតានំ អននុលោមេន កាយិកវាចសិកេន. សំសដ្ឋាតិ គិហីនំ កោដ្ដនបចនគន្ធបិសនមាលាគន្ថនាទិនា កាយិកេន សាសនបដិសាសនាហរណសញ្ចរិត្តាទិនា វាចសិកេន ច សំសដ្ឋា. បាបោ កិត្តិសទ្ទោ ឯតាសន្តិ បាបសទ្ទា. បាបោ អាជីវសង្ខាតោ សិលោកោ ឯតាសន្តិ បាបសិលោកា. សេសំ ឧត្តានមេវ សទ្ធិំ សមុដ្ឋានាទីហីតិ.

នវមសិក្ខាបទំ.