៦. អមូលកសិក្ខាបទវណ្ណនា

៤៥៩. ឆដ្ឋេ – អនុទ្ធំសេន្តីតិ តេ កិរ សយំ អាកិណ្ណទោសត្តា ‘‘ឯវំ ភិក្ខូ អម្ហេ នេវ ចោទេស្សន្តិ, ន សារេស្សន្តី’’តិ អត្តបរិត្តាណំ ករោន្តា បដិកច្ចេវ ភិក្ខូ អមូលកេន សង្ឃាទិសេសេន ចោទេន្តិ. សេសមេត្ថ តេរសកម្ហិ អមូលកសិក្ខាបទេ វុត្តនយត្តា ឧត្តានមេវ.

តិសមុដ្ឋានំ – កិរិយំ, សញ្ញាវិមោក្ខំ, សចិត្តកំ, លោកវជ្ជំ, កាយកម្មំ, វចីកម្មំ, អកុសលចិត្តំ, ទុក្ខវេទនន្តិ.

អមូលកសិក្ខាបទំ ឆដ្ឋំ.