២. អង្គុលិបតោទកសិក្ខាបទវណ្ណនា

៣៣០. ទុតិយេ – អង្គុលិបតោទកេនាតិ អង្គុលីហិ ឧបកច្ឆកាទិឃដ្ដនំ វុច្ចតិ. ឧត្តសន្តោតិ អតិហាសេន កិលមន្តោ. អនស្សាសកោតិ ឧបច្ឆិន្នអស្សាសបស្សាសសញ្ចារោ ហុត្វា. អនុបសម្បន្នំ កាយេន កាយន្តិ ឯត្ថ ភិក្ខុនីបិ អនុបសម្បន្នដ្ឋានេ ឋិតា, តម្បិ ខិឌ្ឌាធិប្បាយេន ផុសន្តស្ស ទុក្កដំ. សេសមេត្ថ ឧត្តានមេវ.

បឋមបារាជិកសមុដ្ឋានំ – កិរិយំ, សញ្ញាវិមោក្ខំ, សចិត្តកំ, លោកវជ្ជំ, កាយកម្មំ, អកុសលចិត្តំ, ទ្វិវេទនន្តិ.

អង្គុលិបតោទកសិក្ខាបទំ ទុតិយំ.