៧. ទុតិយអញ្ញតរភិក្ខុសុត្តវណ្ណនា

៧. សត្តមេ និព្ពានធាតុយា ខោ ឯតំ ភិក្ខុ អធិវចនន្តិ អសង្ខតាយ អមតាយ និព្ពានធាតុយា ឯតំ អធិវចនំ. អាសវានំ ខយោ តេន វុច្ចតីតិ អបិច តេន រាគាទិវិនយេន អាសវានំ ខយោតិបិ វុច្ចតិ. អាសវក្ខយោ នាម អរហត្តំ, អរហត្តស្សាបិ ឯតំ រាគវិនយោតិអាទិ នាមមេវាតិ ទីបេតិ. ឯតទវោចាតិ ‘‘សត្ថារា និព្ពានធាតូតិ វទន្តេន អមតំ និព្ពានំ កថិតំ, មគ្គោ បនស្ស ន កថិតោ. តំ កថាបេស្សាមី’’តិ អនុសន្ធិកុសលតាយ បុច្ឆន្តោ ឯតំ អវោច.