៦. អវិជ្ជាវគ្គវណ្ណនា

៥៣-៦២. អវិជ្ជាវគ្គេ អវិជ្ជាតិ ចតូសុ សច្ចេសុ អញ្ញាណំ. វិជ្ជាតិ អរហត្តមគ្គវិជ្ជា. អនិច្ចតោ ជានតោ បស្សតោតិ ទុក្ខានត្តវសេនាបិ ជានតោ បស្សតោ បហីយតិយេវ, ឥទំ បន អនិច្ចវសេន កថិតេ ពុជ្ឈនកបុគ្គលស្ស អជ្ឈាសយេន វុត្តំ. ឯសេវ នយោ សព្ពត្ថ. អបិ ចេត្ថ សំយោជនាតិ ទស សំយោជនានិ. អាសវាតិ ចត្តារោ អាសវា. អនុសយាតិ សត្ត អនុសយា. សព្ពុបាទានបរិញ្ញាយាតិ សព្ពេសំ ចតុន្នម្បិ ឧបាទានានំ តីហិ បរិញ្ញាហិ បរិជាននត្ថាយ. បរិយាទានាយាតិ ខេបនត្ថាយ. សេសំ សព្ពត្ថ ឧត្តានមេវាតិ.

អវិជ្ជាវគ្គោ ឆដ្ឋោ.