៥. សព្ពអនិច្ចវគ្គវណ្ណនា

៤៣-៥២. អនិច្ចវគ្គេ អភិញ្ញេយ្យន្តិ បទេ ញាតបរិញ្ញា អាគតា, ឥតរា បន ទ្វេ គហិតាយេវាតិ វេទិតព្ពា. បរិញ្ញេយ្យបហាតព្ពបទេសុបិ តីរណបហានបរិញ្ញាវ អាគតា, ឥតរាបិ បន ទ្វេ គហិតាយេវាតិ វេទិតព្ពា. សច្ឆិកាតព្ពន្តិ បច្ចក្ខំ កាតព្ពំ. អភិញ្ញាបរិញ្ញេយ្យន្តិ ឥធាបិ បហានបរិញ្ញា អវុត្តាបិ គហិតាយេវាតិ វេទិតព្ពា. ឧបទ្ទុតន្តិ អនេកគ្គដ្ឋេន. ឧបស្សដ្ឋន្តិ ឧបហតដ្ឋេន. សេសំ ឧត្តានមេវាតិ.

សព្ពអនិច្ចវគ្គោ បញ្ចមោ.

បឋមោ បណ្ណាសកោ.