៦-៧. អន្តេវាសិកសុត្តាទិវណ្ណនា

១៥១-១៥២. ឆដ្ឋេ អនន្តេវាសិកន្តិ អន្តោ វសនកកិលេសវិរហិតំ. អនាចរិយកន្តិ អាចរណកកិលេសវិរហិតំ. អន្តស្ស វសន្តីតិ អន្តោ អស្ស វសន្តិ. តេ នំ សមុទាចរន្តីតិ តេ ឯតំ អធិភវន្តិ អជ្ឈោត្ថរន្តិ សិក្ខាបេន្តិ វា. ‘‘ឯវំ វេជ្ជកម្មំ ករោហិ, ឯវំ ទូតកម្ម’’ន្តិ ឥតិ សិក្ខាបនសង្ខាតេន សមុទាចរណត្ថេនស្ស តេ អាចរិយា នាម ហោន្តិ, តេហិ អាចរិយេហិ សាចរិយកោតិ វុច្ចតិ. សេសមេត្ថ វុត្តនយេនេវ វេទិតព្ពំ. សត្តមំ ហេដ្ឋា កថិតនយមេវ.