២. បដិបទាសុត្តវណ្ណនា

៤៤. ទុតិយេ ទុក្ខសមុទយគាមិនី សមនុបស្សនាតិ យស្មា សក្កាយោ ទុក្ខំ, តស្ស ច សមុទយគាមិនី បដិបទា នាម ‘‘រូបំ អត្តតោ សមនុបស្សតី’’តិ ឯវំ ទិដ្ឋិសមនុបស្សនា វុត្តា, តស្មា ទុក្ខសមុទយគាមិនី សមនុបស្សនាតិ អយមេត្ថ អត្ថោ ហោតិ. ទុក្ខនិរោធគាមិនី សមនុបស្សនាតិ ឯត្ថ សហ វិបស្សនាយ ចតុមគ្គញាណំ ‘‘សមនុបស្សនា’’តិ វុត្តំ. ឥតិ ឥមស្មិំ សុត្តេ វដ្ដវិវដ្ដំ កថិតំ. ទុតិយំ.