៣. តិំសមត្តសុត្តវណ្ណនា

១៣៦. តតិយេ បាវេយ្យកាតិ បាវេយ្យទេសវាសិនោ. សព្ពេ អារញ្ញិកាតិអាទីសុ ធុតង្គសមាទានវសេន តេសំ អារញ្ញិកាទិភាវោ វេទិតព្ពោ. សព្ពេ សសំយោជនាតិ សព្ពេ សពន្ធនា, កេចិ សោតាបន្នា, កេចិ សកទាគាមិនោ, កេចិ អនាគាមិនោ. តេសុ ហិ បុថុជ្ជនោ វា ខីណាសវោ វា នត្ថិ. គុន្នន្តិអាទីសុ សេតកាឡាទិវណ្ណេសុ ឯកេកវណ្ណកាលោវ គហេតព្ពោ. បារិបន្ថកាតិ បរិបន្ថេ តិដ្ឋនកា បន្ថឃាតចោរា. បារទារិកាតិ បរទារចារិត្តំ អាបជ្ជនកា. តតិយំ.