៤-៩. មាតុសុត្តាទិវណ្ណនា

១៣៧-១៤២. ចតុត្ថាទីសុ លិង្គនិយមេន ចេវ ចក្កវាឡនិយមេន ច អត្ថោ វេទិតព្ពោ. បុរិសានញ្ហិ មាតុគាមកាលោ, មាតុគាមានញ្ច បុរិសកាលោតិ ឯវមេត្ថ លិង្គនិយមោ. ឥមម្ហា ចក្កវាឡា សត្តា បរចក្កវាឡំ, បរចក្កវាឡា ច ឥមំ ចក្កវាឡំ សំសរន្តិ. តេសុ ឥមស្មិំ ចក្កវាឡេ មាតុគាមកាលេ មាតុភូតញ្ញេវ ទស្សេន្តោ យោ នមាតាភូតបុព្ពោតិ អាហ. យោ នបិតាភូតបុព្ពោតិអាទីសុបិ ឯសេវ នយោ. ចតុត្ថាទីនិ.