១២. សហាយកសុត្តវណ្ណនា

២៤៦. ទ្វាទសមេ ចិររត្តំសមេតិកាតិ ទីឃរត្តំ សំសន្ទិត្វា សមេត្វា ឋិតលទ្ធិនោ. តេ កិរ បញ្ចជាតិសតានិ ឯកតោវ វិចរិំសុ. សមេតិ នេសំ សទ្ធម្មោតិ ឥទានិ ឥមេសំ អយំ សាសនធម្មោ សំសន្ទតិ សមេតិ. ធម្មេ ពុទ្ធប្បវេទិតេតិ ពុទ្ធេន បវេទិតេ ធម្មេ ឯតេសំ សាសនធម្មោ សោភតីតិ អត្ថោ. សុវិនីតា កប្បិនេនាតិ អត្តនោ ឧបជ្ឈាយេន អរិយប្បវេទិតេ ធម្មេ សុដ្ឋុ វិនីតា. សេសំ សព្ពត្ថ ឧត្តានមេវាតិ. ទ្វាទសមំ.

ភិក្ខុសំយុត្តវណ្ណនា និដ្ឋិតា.

ឥតិ សារត្ថប្បកាសិនិយា សំយុត្តនិកាយ-អដ្ឋកថាយ

និទានវគ្គវណ្ណនា និដ្ឋិតា.