៧. តរុណរុក្ខសុត្តវណ្ណនា

៥៧-៥៩. សត្តមេ តរុណោតិ អជាតផលោ. បលិមជ្ជេយ្យាតិ សោធេយ្យ. បំសុំ ទទេយ្យាតិ ថទ្ធផរុសបំសុំ ហរិត្វា មុទុគោមយចុណ្ណមិស្សំ មធុរបំសុំ បក្ខិបេយ្យ. វុទ្ធិន្តិ វុទ្ធិំ អាបជ្ជិត្វា បុប្ផូបគោ បុប្ផំ, ផលូបគោ ផលំ គណ្ហេយ្យ. ឥទំ បនេត្ថ ឱបម្មសំសន្ទនំ – តរុណរុក្ខោ វិយ ហិ តេភូមកវដ្ដំ, រុក្ខជគ្គកោ បុរិសោ វិយ វដ្ដនិស្សិតោ បុថុជ្ជនោ, មូលផលសន្តានាទីនិ វិយ តីហិ ទ្វារេហិ កុសលាកុសលកម្មាយូហនំ, រុក្ខស្ស វុឌ្ឍិអាបជ្ជនំ វិយ បុថុជ្ជនស្ស តីហិ ទ្វារេហិ កម្មំ អាយូហតោ អបរាបរំ វដ្ដប្បវត្តិ. វិវដ្ដំ វុត្តនយេនេវ វេទិតព្ពំ. អដ្ឋមនវមានិ ឧត្តានត្ថានេវ. សត្តមាទីនិ.