៤. ពិលង្គីកសុត្តវណ្ណនា

១៩០. ចតុត្ថេ ពិលង្គិកភារទ្វាជោតិ ភារទ្វាជោវ សោ, នានប្បការំ បន សុទ្ធញ្ច សម្ភារយុត្តញ្ច កញ្ជិកំ ការេត្វា វិក្កិណាបេន្តោ ពហុធនំ សង្ខរីតិ ‘‘ពិលង្គិកភារទ្វាជោ’’តិ តស្ស សង្គីតិការេហិ នាមំ គហិតំ. តុណ្ហីភូតោតិ ‘‘តយោ មេ ជេដ្ឋកភាតរោ ឥមិនា បព្ពាជិតា’’តិ អតិវិយ កុទ្ធោ កិញ្ចិ វត្តុំ អសក្កោន្តោ តុណ្ហីភូតោ អដ្ឋាសិ. គាថា បន ទេវតាសំយុត្តេ កថិតាវ. ចតុត្ថំ.