៥. ឧប្បលវណ្ណាសុត្តវណ្ណនា

១៦៦. បញ្ចមេ សុបុប្ផិតគ្គន្តិ អគ្គតោ បដ្ឋាយ សុដ្ឋុ បុប្ផិតំ សាលរុក្ខំ. ន ចត្ថិ តេ ទុតិយា វណ្ណធាតូតិ តវ វណ្ណធាតុសទិសា ទុតិយា វណ្ណធាតុ នត្ថិ, តយា សទិសា អញ្ញា ភិក្ខុនី នត្ថីតិ វទតិ. ឥធាគតា តាទិសិកា ភវេយ្យុន្តិ យថា ត្វំ ឥធាគតា កិញ្ចិ សន្ថវំ វា សិនេហំ វា ន លភសិ, ឯវមេវំ តេបិ តយាវ សទិសា ភវេយ្យុំ. បខុមន្តរិកាយន្តិ ទ្វិន្នំ អក្ខីនំ មជ្ឈេ នាសវំសេបិ តិដ្ឋន្តិំ មំ ន បស្សសិ. វសីភូតម្ហីតិ វសីភូតា អស្មិ. បញ្ចមំ.