១០. វជិរាសុត្តវណ្ណនា

១៧១. ទសមេ នយិធ សត្តុបលព្ភតីតិ ឥមស្មិំ សុទ្ធសង្ខារបុញ្ជេ បរមត្ថតោ សត្តោ នាម ន ឧបលព្ភតិ. ខន្ធេសុ សន្តេសូតិ បញ្ចសុ ខន្ធេសុ វិជ្ជមានេសុ តេន តេនាការេន វវត្ថិតេសុ. សម្មុតីតិ សត្តោតិ សមញ្ញាមត្តមេវ ហោតិ. ទុក្ខន្តិ បញ្ចក្ខន្ធទុក្ខំ. នាញ្ញត្រ ទុក្ខាតិ ឋបេត្វា ទុក្ខំ អញ្ញោ នេវ សម្ភោតិ ន និរុជ្ឈតីតិ. ទសមំ.

ឥតិ សារត្ថប្បកាសិនិយា

សំយុត្តនិកាយ-អដ្ឋកថាយ

ភិក្ខុនីសំយុត្តវណ្ណនា និដ្ឋិតា.