៩. សត្ថារវន្ទនាសុត្តវណ្ណនា

២៦៥. នវមេ ភគវន្តំ នមស្សតីតិ ឯកំសំ ឧត្តរិយំ ទុកុលំ កត្វា, ព្រហ្មជាណុកោ ហុត្វា សិរសិ អញ្ជលិំ ឋបេត្វា នមស្សតិ. សោ យក្ខោតិ សោ សក្កោ. អនោមនាមន្តិ សព្ពគុណេហិ ឱមកភាវស្ស នត្ថិតាយ សព្ពគុណនេមិត្តកេហិ នាមេហិ អនោមនាមំ. អវិជ្ជាសមតិក្កមាតិ ចតុសច្ចបដិច្ឆាទិកាយ វដ្ដមូលកអវិជ្ជាយ សមតិក្កមេន. សេក្ខាតិ សត្ត សេក្ខា. អបចយារាមាតិ វដ្ដវិទ្ធំសនេ រតា. សិក្ខរេតិ សិក្ខន្តិ. នវមំ.