១. វតបទសុត្តវណ្ណនា

២៥៧. ទុតិយវគ្គស្ស បឋមេ វតបទានីតិ វតកោដ្ឋាសានិ. សមត្តានីតិ បរិបុណ្ណានិ. សមាទិន្នានីតិ គហិតានិ. កុលេ ជេដ្ឋាបចាយីតិ កុលជេដ្ឋកានំ មហាបិតា មហាមាតា ចូឡបិតា ចូឡមាតា មាតុលោ មាតុលានីតិអាទីនំ អបចិតិការកោ. សណ្ហវាចោតិ បិយមុទុមធុរវាចោ. មុត្តចាគោតិ វិស្សដ្ឋចាគោ. បយតបាណីតិ ទេយ្យធម្មទានត្ថាយ សទា ធោតហត្ថោ. វោស្សគ្គរតោតិ វោស្សជ្ជនេ រតោ. យាចយោគោតិ បរេហិ យាចិតព្ពារហោ, យាចយោគោតិ វា យាចយោគេនេវ យុត្តោ. ទានសំវិភាគរតោតិ ទានេ ច សំវិភាគេ ច រតោ. បឋមំ.