៧-៩. ឧឌ្ឌិតសុត្តាទិវណ្ណនា

៦៧. សត្តមេ តណ្ហាយ ឧឌ្ឌិតោតិ តណ្ហាយ ឧល្លង្ឃិតោ. ចក្ខុញ្ហិ តណ្ហារជ្ជុនា អាវុនិត្វា រូបនាគទន្តេ ឧឌ្ឌិតំ, សោតាទីនិ សទ្ទាទីសូតិ តណ្ហាយ ឧឌ្ឌិតោ លោកោ. មច្ចុនា បិហិតោតិ អនន្តរេ អត្តភាវេ កតំ កម្មំ ន ទូរំ ឯកចិត្តន្តរំ, ពលវតិយា បន មារណន្តិកវេទនាយ បព្ពតេន វិយ ឱត្ថដត្តា សត្តា តំ ន ពុជ្ឈន្តីតិ ‘‘មច្ចុនា បិហិតោ លោកោ’’តិ វុត្តំ. សត្តមំ.

៦៨. អដ្ឋមេ ស្វេវ បញ្ហោ ទេវតាយ ហេដ្ឋុបរិយាយវសេន បុច្ឆិតោ. អដ្ឋមំ.

៦៩. នវមេ សព្ពំ ឧត្តានមេវ. នវមំ.