១០. កវិសុត្តវណ្ណនា

៦០. ទសមេ ឆន្ទោ និទានន្តិ គាយត្តិអាទិកោ ឆន្ទោ គាថានំ និទានំ. បុព្ពបដ្ឋាបនគាថា អារភន្តោ ហិ ‘‘កតរច្ឆន្ទេន ហោតូ’’តិ អារភតិ. វិយញ្ជនន្តិ ជននំ. អក្ខរំ ហិ បទំ ជនេតិ, បទំ គាថំ ជនេតិ, គាថា អត្ថំ បកាសេតីតិ. នាមសន្និស្សិតាតិ សមុទ្ទាទិបណ្ណត្តិនិស្សិតា. គាថា អារភន្តោ ហិ សមុទ្ទំ វា បថវិំ វា យំ កិញ្ចិ នាមំ និស្សយិត្វាវ អារភតិ. អាសយោតិ បតិដ្ឋា. កវិតោ ហិ គាថា បវត្តន្តិ. សោ តាសំ បតិដ្ឋា ហោតីតិ. ទសមំ.

ជរាវគ្គោ ឆដ្ឋោ.