៩. ទុតិយសូចិវិមានវណ្ណនា

ឧច្ចមិទំ មណិថូណន្តិ ទុតិយសូចិវិមានំ. តស្ស កា ឧប្បត្តិ? ភគវា រាជគហេ វិហរតិ វេឡុវនេ. តេន សមយេន រាជគហវាសី ឯកោ តុន្នការកោ វិហារបេក្ខកោ ហុត្វា វេឡុវនំ គតោ. តត្ថ អញ្ញតរំ ភិក្ខុំ វេឡុវនេ កតសូចិយា ចីវរំ សិព្ពន្តំ ទិស្វា សូចិឃរេន សទ្ធិំ សូចិយោ អទាសិ. សេសំ សព្ពំ វុត្តនយមេវ.

៩៥២. ‘‘ឧច្ចមិទំ មណិថូណំ វិមានំ…បេ…

វណ្ណោ ច តេ សព្ពទិសា បភាសតី’’តិ. – បុច្ឆិ;

៩៥៦. ‘‘សោ ទេវបុត្តោ អត្តមនោ…បេ… យស្ស កម្មស្សិទំ ផលំ’’.

៩៥៧. ‘‘អហំ មនុស្សេសុ មនុស្សភូតោ, បុរិមជាតិយា មនុស្សលោកេ.

៩៥៨. ‘‘អទ្ទសំ វិរជំ ភិក្ខុំ, វិប្បសន្នមនាវិលំ;

តស្ស អទាសហំ សូចិំ, បសន្នោ សេហិ បាណិភិ.

៩៥៩. ‘‘តេន មេតាទិសោ វណ្ណោ…បេ… វណ្ណោ ច មេ សព្ពទិសា បភាសតី’’តិ.

តំ សព្ពំ ហេដ្ឋា វុត្តនយមេវ.

ទុតិយសូចិវិមានវណ្ណនា និដ្ឋិតា.