បព្ពជិតវណ្ណនា

៥២. ភណ្ឌុន្តិ មុណ្ឌំ. ឥមម្បិស្ស បុរិមនយេនេវ ព្រហ្មានោ ទស្សេសុំ. សាធុ ធម្មចរិយាតិអាទីសុ អយំ ទេវ ធម្មចរណភាវោ សាធូតិ ចិន្តេត្វា បព្ពជិតោតិ ឯវំ ឯកមេកស្ស បទស្ស យោជនា វេទិតព្ពា. សព្ពានិ ចេតានិ ទសកុសលកម្មបថវេវចនានេវ. អវសានេ បន អវិហិំសាតិ ករុណាយ បុព្ពភាគោ. អនុកម្បាតិ មេត្តាយ បុព្ពភាគោ. តេនហីតិ ឧយ្យោជនត្ថេ និបាតោ. បព្ពជិតំ ហិស្ស ទិស្វា ចិត្តំ បព្ពជ្ជាយ និន្នំ ជាតំ. អថ តេន សទ្ធិំ កថេតុកាមោ ហុត្វា សារថិំ ឧយ្យោជេន្តោ តេន ហីតិអាទិមាហ.