៦. អាកាសកថាវណ្ណនា

៤៦០-៤៦២. ឥទានិ អាកាសកថា នាម ហោតិ. តត្ថ តិវិធោ អាកាសោ – បរិច្ឆេទាកាសោ, កសិណុគ្ឃាដិមាកាសោ, អជដាកាសោ. ‘‘តុច្ឆាកាសោ’’តិបិ តស្សេវ នាមំ. តេសុ បរិច្ឆេទាកាសោ សង្ខតោ, ឥតរេ ទ្វេ បញ្ញត្តិមត្តា. យេសំ បន ‘‘ទុវិធោបិ យស្មា សង្ខតោ ន ហោតិ, តស្មា អសង្ខតោ’’តិ លទ្ធិ, សេយ្យថាបិ ឧត្តរាបថកានំ មហិសាសកានញ្ច; តេ សន្ធាយ អាកាសោតិ បុច្ឆា សកវាទិស្ស, បដិញ្ញា ឥតរស្ស. សេសមេត្ថ ឧត្តានត្ថមេវាតិ.

អាកាសកថាវណ្ណនា.