២. អព្ភន្តរមាតិកាវណ្ណនា

២. បញ្ចក្ខន្ធា …បេ… មនសិការោតិ អយំ បញ្ចវីសាធិកេន បទសតេន និក្ខិត្តា អព្ភន្តរមាតិកា នាម. អយញ្ហិ ‘‘សព្ពាបិ ធម្មសង្គណី ធាតុកថាយ មាតិកា’’តិ ឯវំ អវត្វា សង្គហាទិនា នយេន វិភជិតព្ពេ ខន្ធាទិធម្មេ សរូបតោ ទស្សេត្វា ធាតុកថាយ អព្ភន្តរេយេវ ឋបិតត្តា អព្ភន្តរមាតិកាតិ វុច្ចតិ. ខន្ធាទិបទានំ ធម្មសង្គណីមាតិកាយ អសង្គហិតត្តា បកិណ្ណកមាតិកាតិបិ វត្តុំ វដ្ដតិ.