៩-១០. ឥធលោកិកសុត្តទ្វយវណ្ណនា

៤៩-៥០. នវមេ អយំ’ស លោកោ អារទ្ធោ ហោតីតិ អយមស្ស លោកោ ឥធលោកេ ករណមត្តាយ អារទ្ធត្តា បរិបុណ្ណត្តា អារទ្ធោ ហោតិ បរិបុណ្ណោ. សោឡសាការសម្បន្នាតិ សុត្តេ វុត្តេហិ អដ្ឋហិ, គាថាសុ អដ្ឋហីតិ សោឡសហិ អាការេហិ សមន្នាគតា, យានិ វា អដ្ឋង្គានិ បរម្បិ តេសុ សមាទបេតីតិ ឯវម្បិ សោឡសាការសម្បន្នាតិ ឯកេ. សទ្ធាសីលបញ្ញា បនេត្ថ មិស្សិកា កថិតា. ទសមំ ភិក្ខុសង្ឃស្ស កថិតំ. សព្ពសុត្តេសុ បន យំ ន វុត្តំ, តំ ហេដ្ឋា អាគតនយត្តា ឧត្តានត្ថមេវាតិ.

ឧបោសថវគ្គោ បញ្ចមោ.