៩. ទុតិយបរិហានិសុត្តវណ្ណនា

២៩. នវមេ ភិក្ខុទស្សនំ ហាបេតីតិ ភិក្ខុសង្ឃស្ស ទស្សនត្ថាយ គមនំ ហាបេតិ. អធិសីលេតិ បញ្ចសីលទសសីលសង្ខាតេ ឧត្តមសីលេ. ឥតោ ពហិទ្ធាតិ ឥមម្ហា សាសនា ពហិទ្ធា. ទក្ខិណេយ្យំ គវេសតីតិ ទេយ្យធម្មបដិគ្គាហកេ បរិយេសតិ. តត្ថ ច បុព្ពការំ ករោតីតិ តេសំ ពាហិរានំ តិត្ថិយានំ ទត្វា បច្ឆា ភិក្ខូនំ ទេតិ. សេសំ សព្ពត្ថ ឧត្តានមេវាតិ.

វជ្ជិសត្តកវគ្គោ តតិយោ.