១-៥. បឋមបិយសុត្តាទិវណ្ណនា

១-៥. សត្តកនិបាតស្ស បឋមេ អនវញ្ញត្តិកាមោតិ អភិញ្ញាតភាវកាមោ. តតិយេ យោនិសោ វិចិនេ ធម្មន្តិ ឧបាយេន ចតុសច្ចធម្មំ វិចិនាតិ. បញ្ញាយត្ថំ វិបស្សតីតិ សហវិបស្សនាយ មគ្គបញ្ញាយ សច្ចធម្មំ វិបស្សតិ. បជ្ជោតស្សេវាតិ ទីបស្សេវ. វិមោក្ខោ ហោតិ ចេតសោតិ តស្ស ឥមេហិ ពលេហិ សមន្នាគតស្ស ខីណាសវស្ស ទីបនិព្ពានំ វិយ ចរិមកចិត្តស្ស វត្ថារម្មណេហិ វិមោក្ខោ ហោតិ, គតដ្ឋានំ ន បញ្ញាយតិ. ចតុត្ថេ សទ្ធោ ហោតីតិអាទីនិ បញ្ចកនិបាតេ វណ្ណិតានេវ. បញ្ចមេ ធនានីតិ អទាលិទ្ទិយករណដ្ឋេន ធនានិ.