៨. ឥន្ទ្រិយសំវរសុត្តវណ្ណនា

៥០. អដ្ឋមេ ហតូបនិសំ ហោតីតិ ហតូបនិស្សយំ ហោតិ. សីលវិបន្នស្សាតិ វិបន្នសីលស្ស. យថាភូតញាណទស្សនន្តិ តរុណវិបស្សនាញាណំ. និព្ពិទាវិរាគោតិ ឯត្ថ និព្ពិទា ពលវវិបស្សនា, វិរាគោ អរិយមគ្គោ. វិមុត្តិញាណទស្សនន្តិ ឯត្ថ វិមុត្តីតិ អរហត្តផលំ, ញាណទស្សនន្តិ បច្ចវេក្ខណញាណំ. ឧបនិស្សយសម្បន្នំ ហោតីតិ សម្បន្នឧបនិស្សយំ ហោតិ. ឥមស្មិំ សុត្តេ សីលានុរក្ខណឥន្ទ្រិយសំវរោ កថិតោ.