៥. អនុស្សតិដ្ឋានសុត្តវណ្ណនា

២៥. បញ្ចមេ អនុស្សតិដ្ឋានានីតិ អនុស្សតិការណានិ. ឥតិបិ សោ ភគវាតិអាទីនិ វិសុទ្ធិមគ្គេ (វិសុទ្ធិ. ១.១២៣ អាទយោ) វិត្ថារិតានេវ. ឥទម្បិ ខោ, ភិក្ខវេ, អារម្មណំ ករិត្វាតិ ឥទំ ពុទ្ធានុស្សតិកម្មដ្ឋានំ អារម្មណំ ករិត្វា. វិសុជ្ឈន្តីតិ បរមវិសុទ្ធិំ និព្ពានំ បាបុណន្តិ. សេសំ សព្ពត្ថ ឧត្តានត្ថមេវ. ឥមស្មិំ បន សុត្តេ ឆ អនុស្សតិដ្ឋានានិ មិស្សកានិ កថិតានីតិ វេទិតព្ពានិ.