១. សោណសុត្តវណ្ណនា

១៩១. បញ្ចមស្ស បឋមេ ព្រាហ្មណធម្មាតិ ព្រាហ្មណសភាវា. សុនខេសូតិ កុក្កុរេសុ. នេវ កិណន្តិ ន វិក្កិណន្តីតិ ន គណ្ហន្តា កិណន្តិ, ន ទទន្តា វិក្កិណន្តិ. សម្បិយេនេវ សំវាសំ សំពន្ធាយ សម្បវត្តេន្តីតិ បិយោ បិយំ ឧបសង្កមិត្វា បវេណិយា ពន្ធនត្ថំ សំវាសំ បវត្តយន្តិ. ឧទរាវទេហកន្តិ ឧទរំ អវទិហិត្វា ឧបចិនិត្វា បូរេត្វា. អវសេសំ អាទាយ បក្កមន្តីតិ យំ ភុញ្ជិតុំ ន សក្កោន្តិ, តំ ភណ្ឌិកំ កត្វា គហេត្វា គច្ឆន្តិ. ឥមស្មិំ សុត្តេ វដ្ដមេវ កថិតំ.