៧. វណិជ្ជាសុត្តវណ្ណនា

១៧៧. សត្តមេ វណិជ្ជាតិ វាណិជកម្មានិ. ឧបាសកេនាតិ តិសរណគតេន. សត្ថវណិជ្ជាតិ អាវុធភណ្ឌំ ការេត្វា តស្ស វិក្កយោ. សត្តវណិជ្ជាតិ មនុស្សវិក្កយោ. មំសវណិជ្ជាតិ សូករមិគាទយោ បោសេត្វា តេសំ វិក្កយោ. មជ្ជវណិជ្ជាតិ យំកិញ្ចិ មជ្ជំ ការេត្វា តស្ស វិក្កយោ. វិសវណិជ្ជាតិ វិសំ ការេត្វា តស្ស វិក្កយោ. ឥតិ សព្ពម្បិ ឥមំ វណិជ្ជំ នេវ អត្តនា កាតុំ, ន បរេ សមាទបេត្វា ការេតុំ វដ្ដតិ.