១០. នារទសុត្តវណ្ណនា

៥០. ទសមេ អជ្ឈោមុច្ឆិតោតិ អធិឱមុច្ឆិតោ គិលិត្វា បរិនិដ្ឋបេត្វា គហណសភាវាយ អតិរេកមុច្ឆាយ តណ្ហាយ សមន្នាគតោ. មហច្ចា រាជានុភាវេនាតិ មហតា រាជានុភាវេន, អដ្ឋារសហិ សេនីហិ បរិវារិតោ មហតិយា រាជិទ្ធិយា បាយាសីតិ អត្ថោ. តគ្ឃាតិ ឯកំសត្ថេ និបាតោ, ឯកំសេនេវ សោកសល្លហរណោតិ អត្ថោ. ឥតិ រាជា ឥមំ ឱវាទំ សុត្វា តស្មិំ ឋិតោ ធម្មេន សមេន រជ្ជំ ការេត្វា សគ្គបរាយណោ អហោសិ.

មុណ្ឌរាជវគ្គោ បញ្ចមោ.