១-៦. សិក្ខាបទសុត្តវណ្ណនា

២០១. បញ្ចមស្ស បឋមេ អសប្បុរិសន្តិ លាមកបុរិសំ តុច្ឆបុរិសំ មូឡ្ហបុរិសំ អវិជ្ជាយ អន្ធីកតំ ពាលំ. អសប្បុរិសតរន្តិ អតិរេកេន អសប្បុរិសំ. ឥតរេ ទ្វេ វុត្តបដិបក្ខវសេន វេទិតព្ពា. សេសមេត្ថ ឧត្តានត្ថមេវ. យថា ចេត្ថ, ឯវំ ឥតោ បរេសុ បញ្ចសុ. ឯតេសុ ហិ បឋមំ បញ្ចវេរវសេន ទេសិតំ, ទុតិយំ អស្សទ្ធម្មវសេន, តតិយំ កាយវចីទ្វារវសេន, ចតុត្ថំ មនោទ្វារវសេន, បញ្ចមំ អដ្ឋមិច្ឆត្តវសេន, ឆដ្ឋំ ទសមិច្ឆត្តវសេន.